Klinsman e di formulën për të ndalur Mesin, nuk është “bunkeri”

Ja ku vjen edhe momenti i gjysmëfinaleve të Kupës së Amerikës dhe USA sfidon Argjentinën e Mesit, që është favorite absolute për të fituar trofeun. Trajneri gjerman i amerikanëve, Jurgen Klinsman, beson për kalimin në finale, duke theksuar se nuk ka asgjë të pamundur, ndërkohë që e di një mënyrë për të “eleminuar” yllin e Barcelonës, Lionel Mesin: “Nuk ka asgjë të pamundur në futboll. Kush e kishte parashikuar se Brazili dhe Uruguaji do të eliminoheshin që në fazën me grupe. Mesi? E përsëris, nuk ka asgjë të pamundur. Mesi, ashtu si Maradona, ndaj të cilit kam luajtur, është më i miri në botë aktualisht. Por ka mënyra për të ndalur edhe lojtarë të këtij niveli. Kjo nuk do të thotë se do të luajmë me 10 vetë përpara zonës së rreptësisë. Nuk luajmë kurrë kështu, duhet të luajmë me kurajë dhe të shfrytëzojmë shanset tona”, – tha Klinsman përpara gjysmëfinales me Argjentinën.