Në Kukës duket se kanë nisur punën për ndërtimin e skuadrës për sezonin e ri. Deri në këto momente në radhët e verilindorëve nuk ka asnjë afrim, teksa ka vetëm dalje.
Por tashmë drejtuesit kanë nisur me rinovimet me lojtarët që u ka përfunduar kontrata dhe i konsiderojnë të rëndësishëm për sezonin e ardhshëm. Altin Bytyçi dhe Kukësi sipas “Supersport” kanë arritur akordin për rinovimin e kontratës mes tyre.
Verilindorëët besojnë te cilësitë e 22-vjeçarit dhe në këtë mënyrë kanë vendosur të rinovojnë me një vit, teksa do të ketë edhe një klauzolë të veçantë.
Në rast se deri në mbyllje të merkatos në drejtim të lojtarit vjen ndonjë ofertë nga jashtë, mbrojtësi do të lihet i lirë. Në këtë mënyrë Kukësi do të marrë edhe taksën e formimit të lojtarit.
Lexo gjithashtu
