Vllaznia dhe Tirana do të luajnë mes tyre sfidën e javës së 8-të të Superiores në “Kukës Arenë”. Takim ky që do të startojë në orën 14:00. Kuqeblutë do të tentojnë fitoren përballë bardhebluve për t’u ngjitur në klasifikim.
Për herë të parë nuk do të luhet as në Tiranë as në “Selman Stërmasi”, pasi në stadiumin e kuqebluve po bëhet mbellja e barit. Në këto ksuhte duke parë që sfida luhet në Kukës, drejtuesit shkodranë kanë vendosur të vënë në dispozicionë të tifozëve autobusa falas.
Nëpërmjet një postimi klubi ka bërë thirrje që të jenë tifozët sa më të shumtë në numër për të mbështetur ekipin.
“Ekipi ynë merr zemër nga ndjekësit dhe tifozëria e qytetit tonë!
Për të gjithë sportdashësit e ekipit tonë, KF VLLAZNIA njofton që autobusat e transportit Shkodër - Kukës, për të ndjekur derbin klasik të futbollit shqiptar KF Vllaznia - KF Tirana, do të jenë falas në dispozicion të tifozëve që duan ta ndjekin ndeshjen në stadium.
Për ta lehtësuar këtë proces për ju dhe stafin tonë, ju bëjmë me dije se personat që dëshirojnë të vijnë në këtë udhëtim, duhet të prenotojnë paraprakisht, nga ky moment deri të premten në orën 20:00. Shkruani një mesazh në inbox të faqeve tona në rrjetet sociale emrin tuaj të plotë dhe një numër kontakti. Për çdo paqartësi kontaktoni edhe në nr cel: 0692578476
Nisja bëhet ditën e shtunë, ora 10:00, te vendodhja e autobusave tek Teatri. Ju lutemi që të paraqiteni më herët që të zini vendet tuaja përkatëse!”, ka shkruar klubi kuqeblu.
Lexo gjithashtu
