Erzeni ka barazuar në ndeshjen që luajti përballë Laçit. Sfida e zhvilluar në stadiumin “Arena e Demave” përfundoi në baraspeshë pa gola me rezultatin 0-0. Një ndeshje e vakët pa shumë raste. Në ato raste të pakta që u krijuan, portierët e të dy ekipeve u shfaqën protagonistë.
Pas kësaj sfide për mikrofonat e MCN TV, foli trajneri i Laçit, Mirel Josa.
“Përsa i përket organizimeve të sulmit duhet të ishim më të vëmendshëm. Skuadra kundërshtare u mbrojt me 5 lojtarë dhe po mundohej të na kapte në kundërsulme. Në pjesën e dytë u munduam, por në mesfushë duhet të ishim më të shpejtë me lëvizjen e topit. Penetrimi në zonën kundërshtare duhej në kohën dhe vendin e duhur. Ky ishte problemi. 5 ose 10 minutat e fundit të lojës, unë personalisht nuk doja të rrezikoja duke hedhur një forcë tjetër sulmuese. Por diferenca u bë komplet në pjesën e parë, e cila nuk ishte dhe aq e mirë për ne”, u shpreh tekniku Josa.
-Ka kjo skuadër të gjejë rrugën e rrjetës?
“Nuk është problemi vetëm rruga e rrjetës, por duhet t’i japim zgjidhje që të shkojmë deri aty.”
-Mos fitoi frika mbi dëshirën për dyluftime? Frika për të mos gabuar?
“Unë sidomos 10 minutat e fundit jam i njëjti. Aty mund edhe ta pësosh. Kështu 10 minutat e fundit, ka frikë mund të them. Filluam të futeshim dhe në panik pasi kundërshtari po fitonte topin. Unë personalisht jam ai që nuk i rrezikon të gjitha.”
-Sa i mungon Tresa kësaj skuadre dhe pse është 18-vjeçar? Kur do të jetë i gatshëm?
“Është një lojtar që edhe para se të vija unë, ka treguar diçka pozitive. Fati i tij që u dëmtua. Tani ne nuk mund të varemi tek një lojtar. Ai është djal i ri dhe ka kohë për të rritur nivelin e tij.”
Lexo gjithashtu
