Khephren Thuram është blerja e fundit e Juventusit. Mesfushori francez vendosi që të mbyllte aventurën me Nice, për të nisur një të re me “Zonjën e Vjetër”. Së fundmi, 23 vjeçari ka folur për këtë aventurë të re në Itali. Djali i legjendës Lilian Thuram, thotë se babi i tij i ka thënë se Juve është skuadra më e madhe në Itali dhe botë.
“Babai më ka thënë se për të Juventus është skuadra më e madhe në Itali dhe në botë. Për mua është një ëndërr të jem pjesë e Juventus, kam dashur të luaja me këtë fanellë prej kur isha fëmijë. Ishte një ëndërr edhe kur fola për herë të parë me drejtorin Giuntoli dhe trajnerin Thiago Motta.
Unë jam shumë krenar që do ta vesh këtë fanellë. Shpresoj që të fitoj shumë tituj me këtë klub. Sfida me Marcus që luan te Inter? Të shohim, për mendimin tim ai është një lojtar më i mirë se unë. Jam shumë i lumtur për Marcus, ai është një model në familjen tonë”, ishin fjalët e Khephren Thuram.
Lexo gjithashtu
