Egnatia do të presë në shtëpi skuadrën e Teutës për të zhvilluar mes tyre edhe sfidën e javës së 26-të të kampionatiti shqiptar. Një sfidë që do të luhet ditën e diel duke nisur që nga ora 13:00.
Për rrogozhinasit pas kualifikimit në gjysmëfinalen e Kupës së Shqipërisë kërkojnë një tjetër fitore të rëndësishme në kampionat. Edlir Tetova kërkon të blindojë vendin e 3-të në klasifikim, por ndaj durrsakëve nuk do ta ketë aspak të lehtë.
Kjo e gjitha për shkak të mungesave që “copëtojnë” Egnatian përpara një sfide të vështirë. Plot 3 lojtarë janë të pezulluar për shkak kartonësh, ndërsa një tjetër futbollist është i dëmtuar.
Allen Sherri, Donald Mëllugja dhe Arbin Zejnullai kanë plotësuar numrin 4 të kartonëve të verdhe dhe nuk do të jenë të gatshëm ndaj djemve të detiti. Këtu do të shtohet edhe mungesa e Agbekpornu i cili në sfidën e Kupës la fushën i dëmtuar që në minutën e 34-të të pjesës së parë.
Në këtë mënyrë hallet për Tetovën janë shtuar, me trajnerin që duhet të “arnojë” formacionin për ditën e dielë, ku synimi janë vetëm 3 pikët. Në vend të Sherrit pritet të luajë Puja. Dyshen Mëllugja dhe Zejnullai pritet t’i zëvendësojnë Emsis dhe Lila, ndërsa në vend të Agbekpornu do të jetë Kacbufi.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
