Skënderbeu do të luajë nesër ndeshjen e parë të sezonit. Korçarët presin nesër në shtëpi, Tomorin në sfidën e turit të parë të Kupës së Shqipërisë. Ditën e sotme në konferencën për shtyp trajneri Julian Ahmataj është shprehur mjaft optimist për skuadrën edhe pse është ndërtuar nga e para. Në fjalën e tij numri një i pankinës korçare u shpreh se skuadra e tij do të flasi në fushën e lojës dhe objektivi është marrja e maksimumit në çdo ndeshje.
"Besojmë se kjo periudhë e pandemisë por edhe mosfillimit të kampionatit na ka shërbyer pozitivisht për të ndërtuar manovrat e skuadrës. Besoj se kemi lojtarë që do të japin shumë për ta mbajtur Skënderbeun në nivele të larta".
Objektivat e Skënderbeut? "Skuadra do të shfaqet në fushën e lojës, por unë si trajner dhe lojtarët ndihemi mirë dhe pa presion në Korçë, duke dikur se duhet të marrim maksimumin në çdo ndeshje dhe deri në fund të sezonit", tha Ahmataj.
Lexo gjithashtu
