Vllaznia do të luajë në turin e parë të Conference League, teksa do të përballet me Linfild më 13 korrik në orën 20:45. Shkodranët prej ditësh po zhvillojnë intensivisht stërvitje, teksa pjesë e grupit janë edhe lojtarë të rinj të marrë nga akademia e kuqebluve.
Largimet e shumta kanë bërë që në Shkodër të vijojë puna për gjetjen e lojtarëve cilësorë për t’i zëvendësuar. Në një deklaratë të shkurtër për faqen e klubit Migen Memelli ka theksuar se skuadra ka arritur një nivel të kënaqshëm.
“Lojtarët po punojnë shumë fort. Është një grup që duhet admiruar dhe neve na lind si detyrë të punojmë me to më shumë. Këto janë ditë të vështira për pjesën fizike të tyre, sepse dita ka qenë e rënduar, pasi kemi zhvilluar dy stërvitje në ditë. Po punojmë intensivisht me drejtorin, presidentin, klubin për të bërë afrime sa më cilësore që skuadra të jetë kompetitive dhe të ketë rivalitet brenda grupit. Jemi në një nivel të kenaqshëm. Po mundohemi të integrojmë dhe të rinjtë”, ka theksuar trajneri i shkodranëve.
Lexo gjithashtu
