Sulmuesi i Kombëtares shqiptare, Ernest Muçi, foli në konferencën për shtyp për sfidat me Moldavinë dhe Ishujtë Faroe. Futbollisti i Legias është i lumtur që u bë pjesë e listës ndërsa thekson se pikët maksimale janë objektivi kryesor.
"Ndihem krenar dhe i lumtur që jam pjesë e listës. Besoj që trajneri ka besim tek unë, kam folur me të dhe shoh që ai pret nga unë. Jam i lumtur që jam pjesë e Kombëtares. Ëndrra dhe qëllimi jonë është të marrim pjesë në Europian. Ndeshja me Moldavinë ëhstë ajo që duhet të fokusohemi pasi është ndeshja e parë në shtëpi. Duhet të marrim pikë maksimale.
Përsëritja e Euro 2016? Grupi është shumë i mirë, do japim maksimumin dhe duhet të besojmë deri në fund për këtë ëndërr. Ja dolëm një herë dhe kemi kualitetin për ta bërë përsëri. Ne besojmë deri në fund.
Në Poloni është një kampionat shumë i fortë dhe fizik por Legia është një nga ekipet më të mira. Jam përshtatur mirë këtë sezon, fituam Kupën dhe dolëm në vend të dytë. Mund të bëja më mirë por besoj se kam bërë një sezon të kënaqshëm.
Ideja e lojës që trajneri ka është shumë e mirë për mua dhe sulmuesit e tjerë. Kryesorja është që të marrim pikët maksimale, unë do jem gati nëse do të thërritem. Të gjithë lojtarët në sulm janë me shumë cilësi. Konkurenca është e mirë për cdo futbollist. Në kombëtare rëndësi ka fitorja, në aspektin personal normal që jam i motivuar të luaj sa më shumë e të ndihmoj skuadrën.
Ndihem shumë mirë që jam pjesë e këtij grumbullimi dhe jam gati të jap më të mirën nëse trajneri më fut në lojë.
Është një ëndërr të luaj për Kombëtaren në këtë stadium. Jam krenar dhe shpresoj që të paraqitem mirë dhe të fitojmë ndeshjen."
Lexo gjithashtu
