Teuta arriti të fitonte kundër Luzit 2-0 në kuadër të turit të parë kualifikues të Kupës së Shqipërisë. Skuadra e drejtuar nga Bledi Shkëmbi u kualifikua në raundin pasardhës. Një sfidë që u dominua totalisht nga "Djemtë e Detit" të vendosur për të marrë maksimumin.
Por, në pjesën e dytë pati një episod të frikshëm në fushë. Lorenco Vila u fut si zëvendësues në minutën e 60-të të takimit, ndërsa në të 70-tën u zëvendësua për shkak të një dyluftimi të fortë në zonën e kavajasve.
Mbrojtësi i Luzit u përpoq të largonte topin, por aty gjeti kokën Vilës. Sulmuesi përfundoi me katër të qepura në kokë duke mbyllur sfidën. Megjithatë gjithçka duket se ka kaluar dhe dëmtimi s'është serioz për të. Në fundjavë kundër Egnatias me gjasë do të jetë i gatshëm për trajnerin Bledi Shkëmbi.
Lexo gjithashtu
