Kategoria e Parë luan sot dy ndeshjet e rradhës për javën e nëntë të kampionatit. Në orën 13:00, Dinamo do të presë Turbinën e vendit të fundit në Selman Stërmasi. Blutë nuk llogarisin tjetër rezultat vec tre pikëve për t’u rikthyer të fitorja pas dy ndalesave me rivalët direkt, Flamurtarin dhe Korabin. Ndeshja tjetër është ajo mes Burrelit dhe Apolonisë në orën 14:00. Dy ekipet janë në zonën e rënies dhe do të kërkojnë patjetër fitoren për t’u ngjitur sa më shpejt në tabelë. Vendasit vijnë pas 4 pikëve në dy ndeshjet e fundit ndërsa fierakët nuk shohin fitore prej tre ndeshjesh ku kanë marrë vetëm 1 pikë me Tërbunin.

Ndeshjet e ditës:

Dinamo – Turbina, ora 13:00

Burreli – Apolonia, ora 14:00