Kategoria e Parë ka mbyllur ndeshjet e javës së 18-të të kampionatit. Skënderbeu u ndal në barazim 1-1 nga Luftëtari, me korçarët që gjithsesi vazhdojnë të kryesojnë me 41 pikë. Me 5 pikë më pak ndjek Laçi, me kurbinasit që triumfuan 2-1 ndaj Kukësit.
Në barazim u ndal edhe Pogradeci, të cilët nuk ia dolën të përfitonin nga ndalesa e Skënderbeut. Liqenorët kanë 33 pikë dhe mbajnë vendin e 3-të në tabelën e klasifikimi. Me 27 pikë ndje Kastrioti, të cilët fituan 1-0 në derbi ndaj Ilirisë.
Po fitore mori edhe Burreli ndaj Apolonisë, me matjanët që triumfuan 2-0 dhe shkojnë në kuotën e 26 pikëve në vendin e 5-të. Barazimi 0-0 i Besës ndaj Pogradecit, mban kavajasit në vendin e 6-të me 24 pikë, teksa me nga 22 pikë ndjekin Apolonia dhe Iliria, të cilat prej javësh nuk e njohin fitoren.
Humbje mori edhe Korabi, të cilët mbeten në vendin e 9-të me 20 pikë. Fitorja ndaj Korabit ngjit Lushnjen në 19 pikë dhe kjo për ta është një “fitore jetike”. Ndërkohë mbyllin klasifikimin Luftëtari me 12 pikë dhe Kukësi me vetëm 9 pikë pas 18 ndeshjesh.
Lexo gjithashtu
