Kategoria e Parë do të rikthehet sot në fushën e lojës, ku do të luhen të gjitha ndeshjet në kuadër të javës së 13-të të saj. Tashmë ekipet kanë përforcuar organikën e tyre, madje dhe me lojtarë të Superiores dhe janë gati për të rinisur kampionatin, ku synimet kryesore të tyre janë të grumbullojnë sa më shumë pikë për të arritur objektivat e tyre sezonalë.
Kështu në orën 13:00 do të luhen 7 takime mjaft interesante, ku skuadrat e kreut do të duelojnë në distancë për fitoret.
Dinamo do të presë në “Selman Stërmasi” skuadrën e Luzit, me këtë të fundit që janë një “kockë” e fortë këtë sezon dhe pritet t’i hapin sërish punë kryeqytetasve. Oriku gjithashtu luan në shtëpi dhe pret Tërbunin, Lushnja nga krahu tjetër do të udhëtojë në Korçë për të sfiduar Skënderbeun.
Burreli pret Besën, ndërsa Trubina do të udhëtojë në Berat për tu përballur me Tomorin. Gjithashtu Korabi do të luajë në transfertën e Lezhës, ku Beslidhja e pret “krahë hapur” dhe Flamurtari udhëton në Fier, ku përballë do të ketë Apoloninë.
[caption id="attachment_677799" align="alignnone" width="784"]
Ndeshjet[/caption]
Lexo gjithashtu
