Lushnja është skuadra kampione e Kategorisë së Parë për moshën U-19. Lushnja mposhti Voren me rezultatin 2-1 në ndeshjen e fundit të fazës play-off, që u luajt në Pezë Helmes.
Një sfidë tepër e luftuar, e cila u vendos vetëm në minutat e fundit ajo mes dy ekipeve, që në fund pa Lushnjen të triumfonte e njëkohësisht të fitonte grupin e të ngjitej në Kategorinë Superiore.
Skuadra lushnjare u rendit e para me 12 pikë të grumbulluara në 5 ndeshjet e play-off-it, ku morën pjesë 6 skuadrat e renditura në 2 vendet e para të tre grupeve të Kategorisë së Parë U-19.
Në ndeshjen tjetër KF Bylis - Durrësi 04 gjithçka u mbyll në barazim 1-1, rezultat që i dha mundësi 19-vjeçarëve ballshiotë të renditen në vendin e dytë me 11 pikë, ndonëse ishin në lojë edhe për të rrëmbyer vendin e parë nëse do të merrnin tre pikët.
Gjithsesi, KF Bylis së bashku me FC Lushnjën do të luajnë sezonin e ardhshëm në Kategorinë Superiore të moshës U-19.
Lexo gjithashtu
