Pas Abissnet Superiore ditën e sotme edhe Kategoria e parë do të zhvillojë disa nga ndeshjet e javës së 15-të të saj. Në programin e ditës së sotme do të luhen 4 sfida mjaft interesante.
Gjithçka do të nisë me superduelin mes Korabit dhe Flamurtarit, me sfidën që luhet në Peshkopi, ora 12:30. Është një përballje direkt në garën për një vend që të siguron ngjitjen në Superiore sezonin e ardhshëm. Skuadrat aktualisht kanë kuotë të njëjtë pikësh, 25, dhe ndajnë vendin e 3-4 së bashku. Pikërisht dueli i ditës së sotme është një mundësi reale për të mbyllur llogaritë me një kundërshtarë direkt.
Në orën 13:00 do të luhen 3 sfidat e tjera, ku Lushnja dhe Tomorivdo të “luftojnë” për të siguruar 3. Klevis Dalipi nuk lejon më hapa fals, pasi kërkon të grumbullojë sa më shumë pikë për mbietesën. Nga krahu tjetër beratasit tentojnë fitoren për të shpresuar në “Play-Off”.
Oriku-Luzi do të jetë gjithashtu një tjetër takim interesant, që luhet për mbijetesën nga skuadra vendase, ndërsa nga luzitanët tentohen 3 pikët që ashtu si Tomotir të shpresojnë për një vend në zonën “Play-Off” për ngjitjen në Superiore.
Po me të njëjta objektiva është edhe përballja mes Tërbunit dhe Burrelit. Pukjanët renditen aktualisht në vendin e 6-të, në zonën “Play-Off dhe synojnë që të rikthehen te fitorja në kampionët për të mos komplikuar më shumë punën e tyre. ndërsa nga ana tjetër burrelasit ndodhen në vendin e 15-të vetëm 3 pikë larg vendit të 8-të që mbahet nga Tomori.
[caption id="attachment_679683" align="alignnone" width="300"]
Ndeshjet e dites se sotme ne Kategorine e pare[/caption]
Lexo gjithashtu
