Futbolli shqiptar do të vazhdojë edhe ditën e sotme, për t’i lënë më pas gjithë vëmendjen ndeshjeve kualifikuese të Euro 2024.
Dy takime mjaft interesante janë në program, teksa do të luhen në dy orare të ndryshme dhe janë të vlefshme për javën e 20-të të Kategorisë së Parë.
Gjithçka do të startojë me duelin mes Apolonisë dhe Orikut në orën 14:00. Fierakët të renditur në vendin e 7-të do të kërkojnë fitoren e tretë rresht në kampionët për të kapur edhe zonë “Play-Off” për ngjitjen në Superiore. Ndërkohë Oriku kërkon pikët për zonën “Play-Out”.
Por dueli i shumëpritur dhe që premton spektakël është në Vlorë në stadiumin “Flamurtari”. Flamurtari pret Dinamon në duelin direkt për ngjitjen në Superiore. Vetëm 1 pikë janë blutë poshtë vlonjatëve. Në fakt kjo sfidë cilësohet edhe si një duel Superiore duke pasur parashysh se këto dy skuadra i kanë dhënë për vite të tëra vlerë kampionëtit shqiptar.
Ndeshjet:
14:00/ Apolonia-Oriku
17:00/ Flamurtari-Dinamo
Lexo gjithashtu
