Hapësire reklamuese

Çështjet kryesore

ARKIVA

Kategoria e Parë konkuron Superioren, java e 5-të luhet në mesjavë (SFIDAT)

Shkruar nga NEWSPORT
Kategoria e Parë konkuron Superioren, java e 5-të luhet në

Jo vetëm Superiorja edhe Kategoria e Parë do të luajë në mesjavë ndeshjet e javës së 5-të.  Takime që premtojnë spektakël dhe do të luhen të gjitha në orën 15:00 por në dy ditë të ndryshme.

Të mërkurën është në program vetëm një ndeshje. Kastrioti dhe Luzi do të përplasin “brirët” mes tyre në Fushë – Krujë. Si krutanët ashtu edhe kavajasit ndodhen në zonën poshte në tabelën e klasifikimit dhe në përballjen mes tyre kërkojnë fitoren e parë.

Të enjten do të luhen sfidat e tjera. Bylisi pret Korabin në “Adush Muça”. Një duel që pritet të jetë i luftuar në fushën e lojës. Ballshiotët kryesojnë dhe do të synojnë një tjetër 3 pikësh për të mbajtur kreun, ndërsa skuadra nga Peshkopia kërkon vazhdimësinë.

Një tjetër duel interesant është mes Vorës dhe Tomorit. Vorakët kërkojnë rikthimin te fitorja, teksa përballë gjejnë beratasit e vendit të 3-të. Lushnja nga krahu tjetër pret Flamurtarin. Të dyja ekipet vijnë pas fitoreve në javën e kaluar dhe do të synojnë vazhdimsinë në kampionat.

Apolonia kërkon të hedhe prapa krahëve humbjen me Elbasanin, teksa në kuadër të javës së 5-të do të presë Burrelin në Fier. Ndërkohë takimi i fundit do të jetë mes Besës dhe Elbasanit. Kavajasit kërkojnë fitoren në shtëpi, teksa përballë gjejnë kryesuesit e kampionatit. Elbasanasit nga ana tjetët nuk u tolerohen hapa fals, pasi në të kundërt rrezikojnë vendin e parë.

 

Poll

Lexo gjithashtu

Superiore - Ndeshjet

Kategoria Superiore

Itali - Serie A

Spanjë - La Liga

Angli - Premier League

Gjermani - Bundesliga