Kategoria e Parë do të luajë ditën e sotme të gjitha ndeshjet e javës së 9-të të saj, teksa në fushë do të zbresin 12 ekipet. 5 sfida do të luhen në orën 14:00, ndërsa dueli i fundit do të jetë mes Elbasanit dhe Tomorit në orën 17:00.
Takime interesante janë në program për ditën e sotme, ku do të ketë përplasje mes ekipeve të kreut dhe për “Play-Off”. Ndeshje e luftuar pritet të luhet në Fier, ku Apolonia pret Bylisin kryesues. Dy vendet e para përplasin “brirët” për 3 pikët e kësaj jave.
Duel për mbijetesën do të luhet në Kavajë, ku Besa dhe Luzi do të matin forcat mes tyre, ndërkohë Flamurtari do të udhëtojë në transfertë për të sfiduar Burrelin. Lushnja – Kastrioti është një tjertër ndeshje që merr vëmendjen, me ekipet që kërkojnë t’i largohen sa më shumë zonës “Play-Out”.
Vora – Korabi do të duelojnë mes tyre për 3 pikët e kësaj jave, teksa do të mbyllë siparin e javës së 9-të dueli mes Elbasanit dhe Tomorit që do të luhet në orën 17:00 në “Elbasan Arena”.
[caption id="attachment_710785" align="alignnone" width="685"]
ndeshjet e kategorise se pare[/caption]
Lexo gjithashtu
