Përveç dy supersfidave që do të luhen për llogaritë e “Abissnet Superiore”, dy takime mjaft interesante do të luhen ditën e sotme edhe në Kategorinë e Parë. Të dyja ndeshjet do të startojnë në të njëjtën orë 14:00, teksa do të luhet në aksin Ballsh – Berat.
Bylis dhe Kastrioti do të përplasen “kokë më kokë” për 3 pikët e javës së 6-të të Kategorisë së Parë. Ballshiotët vijnë në këtë takim ky kryesues të kampionatit me 13 pikë, po aq sa Elbasani, ndërsa nga krahu tjetër për krutanët ky sezon nuk ka nisur siç duhet. Në 5 takime kanë arritur të sigurojnë vetëm 6 pikë, ndërsa renditen në vendin e 7-të.
Gjithashtu paralelisht do të luhet edhe dueli mes Tomorit dhe Lushnjes. Beratasit synojnë vetëm 3 pikët në shtëpi për të mos u shkëputur nga ekipet e kreut, ndërsa lushnjarët e Gugash Maganit përpos mungesave do të tentojnë suprizën në Berat për t’iu larguar fundit të klasifikimit. Dy takime që mbajnë të mbërthyer tifozët deri në minutën e fundit të tyre.
[caption id="attachment_708060" align="alignnone" width="684"]
Ndeshjet ne Kategorine e Pare[/caption]
Lexo gjithashtu
