Kategoria e Dytë luan sot gjashtë ndeshjet e para të javës së 15-të me disa sfida shumë të forta. Në orën 12:30, Bulqiza dhe Shënkolli do të hapin ditën ndërsa në orën 13:00 do të luhen edhe sfidat e tjera.
Në Grupin A, e vetmja ndeshje është ajo mes Elbasanit dhe Delvinës ku verdheblutë luajnë vetëm për fitore për të ruajtur pozitat e tyre në vendin e parë.
Në Grupin B, sot ka “flakë” teksa katër vendet e para përballen me njëra-tjetrën. Vora sfidon Valbonën e vendit të tretë në transfertë ku do të kërkojë fitoren për t’i lënë targën ndjekësve k umë i afërti është Sopoti me 4 pikë më pak. Pikërisht librazhdasit do të përballen me Veleçikun e vendit të katërt në një tjetër sfidë direkte.
Ndeshjet e tjera janë ato mes Bulqizës dhe Shënkollit, Ada me Murlanin dhe Gramshi – Naftëtari.
Lexo gjithashtu
