Tirana dhe Kastrioti u përballën të kuadër të javës së 31-të të Abissnet Superiore, ku bardheblutë ia dolën të triumfonin 1-0 në limitet e ndeshjes. Goli i Ardit Hilës do t’u dhuronte kryeqytetasve 3 pikët që janë shumë të rëndësishme për titullin kampion.
Padiksutim goli i shënuar në minutën e 92’-të të takimit ka “çmendur” lojtarët e Kastriotit, ku dy prejt tyre u ndëshkuan me karton të kuq. Karakaçi dhe A.Selmani u ndëshkuan nga arbitri për protesta dhe gjeste antisportive.
Mesfushori u ndëshkua me kartonin e dytë të verdhë pasi fillimisht u përplas me Lushkjen, ku ky i fundit hyri në fushë për të festuar golin. Gjithashtu lojtari i krutanëve për pak sa nuk godet me kokë arbitrin e ndeshjes, ndërsa mbrojtësi tentoj të kap dorën e këtij të fundit gjë që solli edhe kartonin e kuq, me gjyqtarin, Olsion Yzeiraj që nuk i kurseu asnjërin.
Tashmë të dy lojtarët do të jenë mungesa të sigurta për Emiliano Çelën në “Elbasan Arena” në sfidën me Vllazninë që është e vlefshme për javën e 32-të. Kjo përballje do të luhet ditën e shtunë duke nisur që nga ora 15:00.
Lexo gjithashtu
