Laçi do të luajë një ndeshje të rëndësishme kundër Tiranës. Të dielën, skuadra e drejtuar nga trajneri Stavri Nica do të presë në shtëpi kampionët në fuqi të cilët do të tentojnë me çdo kusht fitoren. Kjo përballje është programuar të zhvillohet në orën 17:00, ndërsa problemet në kampin kurbinas nuk mungojnë.
Albi Alla dhe Sebastian Spahiu janë dy mungesat e rëndësishme për Laçin. Të dy futbollistët u ndëshkuan me karton të verdhë duke krijuar jo pak hendeqe në organikën e bardhezinjve. Megjithatë në mbrojtje pritet të rreshtohet Velkoski, ndërsa në vend të Spahiut rikthehet titullar Mentor Mazrekaj.
Kjo ndeshje pritet me interes nga gjithë sportdashësit, qoftë edhe nga Partizani që shpreson në një hap fals të Tiranës. Një humbje e bardhebluve në Laç dhe një fitore e të kuqve në kryeqytet do të ndryshonte pozitat në tabelën e klasifikimit në Superiore.
Lexo gjithashtu
