I ftuar në emisionin "Opinion" në TV Klan, menaxheri i Kombëtares kuqezi, Alban Bushi, për humbjen ndaj Izraelit ka bërë përgjegjës drejtpërdrejt gjyqtarin Deniz Ajtekin, ndërsa ka dalë edhe kundër mediave dhe gazetarëve që kanë pranuar pas ndeshjes se, kartoni i kuq për Gjimshitin ishte i drejtë.
"Pas minutës së 18-të nuk mund të flitej më për të kthyer rezultatin.
Duke pësuar gol dhe duke mbetur me një lojtar më pak, kundër një ekipi si Izraeli është shumë e vështirë të marrësh një rezultat pozitiv, edhe pse skuadra jonë luajti shumë mirë edhe pas daljes së Gjimshitit me karton të kuq.
Rasti i Gjimshitit nuk është karton i kuq. Jepej penallti, por jo ndëshkim i dyfishtë për ekipin tonë.
Arbitri e prishi ndeshjen. Është përgjegjës për këtë humbje të Shqipërisë.
Unë jam kundër gazetarëve dhe mediave që thonë se është penallti dhe karton i kuq. Nuk është një ndërhyrje e qëllimshme e Gjimshitit.
Jam i mendimit se Izraeli nuk është një ekip që mund ta mposhtë Shqipërinë aq lehtë. Berisha u nervozua. Nuk duhet ta bënte atë gjest, por në futboll ndodhin të tilla episode" në TV Klan", u shpreh menaxheri i Kombëtares, Alban Bushi në emisionin "Opinion.
Lexo gjithashtu
