Kuqezinjtë u skualifikuan nga gara për titullin e Kampionatit Europian, ndërsa fati nuk ishte me ta dhe me ne të gjithë. Një gol i pësuar për faj të një gabimi në ndeshjen me Zvicrën, po ashtu dhe dy të tjerë me Francën. Ndërsa fituam ndeshjen historike me Rumaninë, goli i Sadikut, por që nuk mjaftoi që ëndrra e të gjithë shqiptarëve të bëhej realitet, kalimi në 1/8-at.
[caption id="attachment_8327" align="alignleft" width="150"]
Erando Karabeci, kapiteni i Tiranës[/caption]
Kapitenët e Superiores shprehin mendimet e tyre në lidhje me këtë kompeticion, ndërsa tregojnë se ky ekip i ka krenuar të gjithë. Kanë folur 8 kapitenë, ndërsa Orgest Shehi i Skënderbeut dhe Alban Hoxha i Partizanit ndodhen me skuadrën kuqezi në Francë.
Erando Karabeci (Tirana): Nuk mund të prisnim më shumë. Vërtetuam që e kemi merituar plotësisht pjesëmarrjen në Europian. Ekipi me lojërat që bëri ka bërë të gjithë shqiptarët krenarë! Mund të them me plot gojën që në 3 ndeshjet që kemi bërë, kemi zhvilluar ndeshje të mëdha dhe jemi ballafaquar si të barabartë si me Francën, Zvicrën dhe Rumaninë dhe në shumë raste më superior se kundërshtari. Ndoshta na ka munguar pak fati si në ndeshjen me Francën ashtu dhe me Zvicrën, por them që ne e kemi fituar Europianin tonë. Dikur ishim Kombëtare e vogël, por tani jemi Kombëtare e madhe!
[caption id="attachment_8333" align="alignleft" width="217"]
Renato Malota, kapiteni i Kukësit[/caption]
Renato Malota (Kukësi): Të them të drejtën të gjithë jemi krenarë për paraqitjen që djemtë bënë në këtë Kampionat Europian. Goli që pësuam në fund në ndeshjen me Francën na kushtoi shumë. Meritonim ta kalonim fazën e grupeve, por i tillë është futbolli, fati nuk ishte me ne. Gjithsesi i uroj çunat e Kombëtares për paraqitjen dinjitoze që ata bënë dhe më e rëndësishmja na bën të ndihemi krenarë që jemi shqiptarë.
Bruno Telushi (Flamurtari): Unë mendoj se nga gjithë çunat është dhënë maksimumi i mundshëm. Për ne ishte arritje e madhe. Përgëzoj Sadikun për golin.
Ndriçim Shtubina (Vllaznia): Unë jam shumë i gëzuar për Kombëtaren tonë, për atë që ka arritur. Bravo ju qoft atyre djemve për futbollin që kanë dhuruar. Me këtë Kombëtare na njeh e gjithë bota.
Emiljano Veliaj (Laçi) - Gjithçka ishte perfekte, kanë bërë maksimumin e mundshëm. Përderisa humbëm me Francën dhe me Zvicrën. Ishin humbje pa meritë. Janë futur ekipe që nuk e meritonin. Thjesht fantastik çunat kuqezi.
Bledar Hodo (Teuta): Për atë që dhanë në fushë e meritonin kualifikimin në fazën e 1/8-ave. Sidomos me ndeshjen e fundit na bënë që të ndihemi krenarë për ata djem. Nuk e meritonim që ta mbyllnim këtu, pasi treguan në tre ndeshje që janë të barbartë me çdo skuadër tjetër në Europian.
[caption id="attachment_8329" align="alignleft" width="150"]
Telushi, kapiteni i Flamurtarit[/caption]
Ergys Mersini (Luftëtari): Nga Kombëtarja prisja diçka të ngjashme me atë që realizoi në këto tre ndeshje. Prisja të fitonim me Zvicrën dhe një fitore me Rumaninë. Mendoj se Kombëtarja ka bërë një turne fantastik duke treguar vlera të larta sportive, përgatitje shumë të mirë në nivel taktik dhe fizik, por si një ekip debutues vuajtëm mungesën e përqëndrimit në takimin e pare. Të gjithë duhet të jenë krenarë për këtë ekip kombëtar dhe kjo duhët të jëtë një nismë për futbollin shqiptar duke u bazuar në atë çka përfaqësoi kombëtarja atje.
Sokol Mziu (Korabi): Ne prisnim më të mirën, dhe ata e dhanë atë që ne prisnim. Pika që humbëm me Francën ndikoi, por edhe goli i dytë që pësuam. Çfarë kishin e dhanë, na kanë bërë të gjithëve krenarë.
Lexo gjithashtu
