Safet Gjici ishte një nga kandidatët e PS në Kukës, por që nuk arriti të fitonte një mandat deputeti për katër vitet e ardhshme. Tashmë ai është përkushtuar sërish në klubin verilindor teksa i ftuar në emisionin "Ora Skaner" ka komentuar gjithçka rreth çështjeve që kanë të bëjnë me skuadrën verilindore.
Ai ka sulmuar rivalët e Kukësit se kanëe hedhur akuza jashtë vendit dhe se tashmë do të kërkojë një dëmshpërblim prej 30 milionë eurosh nga "Federbet".
"Ështësharake për Kukësin. Nuk e di se si mundet kjo organizatë që të flasë në këtë mënyrë. Ndoshta është edhe e nxitur nga brenda Shqipërisë. Kemi bërë 20 ndeshje në Europa League dhe nuk kemi snjë relacion për dyshime apo ëpr trukime nga UEFA.
Këto janë në kuadrin e akuzave që nisën pa përfunduar kampionati, kur konkurrentët tanë nxorrën histori e broçkulla pa fund për të na akuzuar. KIam biseduar me studio ligjore dhe do t'i kërkojmë UEFA-s që të mos kuotohemi në baste. Gjithashtu studio jonë ligjorë në bashkëpunim me një tjetër në Belgjikë ku ka edhe qendrën "Federbet", do të bëjnë aktpadinë për t'i kërkuar një dëmshpërblim rreth 30 milionë euro. Na ka shkaktuar një dëm të madh duke na prishur imazhin", u shpreh ai.
Lexo gjithashtu
