Katar 2022
Trajneri i Tiranës, Ardian Mema në konferencën për mediat ka thënë përpara ndeshjes me Kamzën se skuadra do të tentojë të marrë mëksimumin nga ky takim.
Gjithashtu, ndër të tjera, Mema ka deklaruar se edhe për vazhdimësinë e sezonit Tirana do të tregojë një situatë ndryshe, nga ajo që jemi mësuar të shohim në fazën e parë të sezonit.
“Me Kamzën kemi lënë 4 pikë në dy ndeshjet e para të sezonit, por nesër jemi këtu në stadiumin tonë, duam ta fitojmë ndeshjen. Jemi përpara tifozëve tanë dhe duam të bëjmë mirë“.
Gjithashtu, tekniku ka folur edhe për merkaton e janarit, ku ka thënë se do të ketë tentativa deri në fund, por që këtë periudhë është shumë e vështirë të blihen lojtarë, pasi rreziku është shumë i madh.
“Jemi në kërkim të lojtarëve. Në fakt, grupi që kemi është i mjaftueshëm, por të marrësh lojtarë, të shpenzosh shumë para në këtë kohë të merkatos, është shumë e rrezikshme“.
Ndër të tjera, tekniku ka komentuar edhe një afrim të mundshëm të lojtarit Emanuel Mensah, ku ka thënë se kjo është diçka që ai nuk është në dijeni, por që një përforcim i skuadrës në boshtin qendror do të ishte mirë për skuadrën.
“Mensah? Nuk e di. Nuk jam në dijeni për këtë çështje, por një lojtar në qendër, ndoshta do të ishte mirë për skuadrën“.
Sentamu, i cili nuk është bashkuar ende me skuadrën, Mema ka thënë se ai ka punuar shumë në stërvitje me të, por nuk e ka përgjegjësinë të merret me këtë çështje.
“Sentamu është një lojtarë që unë e kam stërvitur. Kemi punuar shumë bashkë, edhe për gabimet që ai ka bërë para portës, apo edhe për golat që kemi shënuar. Megjithatë, unë kam përgjegjësi për lojtarët që kam në dispozicion dhe nuk më takon mua të përgjigjem përse ai nuk është me ne tani“, ka thënë Mema.
