Kategoria Superiore është ndalur por jo vetëm, frika nga COVID-19 ka prekur çdo fushë të jetës dhe çdo aktivitet sportiv në vend. Qeveria ka marrë masa drastike në mënyrë që njerëzit të qëndrojnë në shtëpi pasi shihet si e vetmja mundësi për të parandaluar përhapjen e virusit.
Ashtu si ekipet A kanë pezulluar stërvitjen dhe ndeshjet edhe ekipet zinxhire të moshave U19 dhe U-18. Vëmendja ka shkuar tek Superioria por në fakt të prekur nga frika e Coronavirus janë të gjithë.
Sulmuesi i talentuar I Teutës, Dejvid Kapllani në një intervistë për Newsport.al ka treguar situatën gjatë marrjes vesh të rasteve të para me COVID-19 dhe si ndikon pezullimi I ndeshjeve tek ata. 18 vjeçari I cili aktivizohet me të rinjtë e Teutës ndërsa dëshiron që të jetë pjesë e pandashme e ekipit A, ka treguar se edhe pas konfirmimit të rasteve të para ata kanë vazhduar stërvitjen si normalisht, ndërkohë që në fund jep dhe një mesazh për tifozët.
-Si jeni ndjer kur morët vesh për rastin e parë me COVID-19 në Shqipëri?
Sigurisht që u frikësuam sepse duke parë përhapjen masive të këtij virusi në të gjithë botën, ishte diçka për tu shqetësuar për aq më tepër që ndikon në punën tonë.
-Vazhduat stërvitjen me klubin apo u pezullua pas konfirmimit të rasteve të para?
Kampionati ishte në një fazë deçizive sepse kalendari ishte shumë i ngjeshur dhe ne vazhduam programin tonë stërvitor si normalisht. Sigurisht me një kujdes të veçantë.
-Si mendon çfarë vendimi duhet të marrë në fund FSHF?
Besoj që FSHF do marr vendimin për rifillimin e kampionatit në kohën e duhur. Sepse në këto kushte që jemi futbolli dhe çdo gjë tjetër vendoset në plan të dytë. Shpresojmë shumë që kjo situatë të kalojë sa më shpejtë dhe të rikthehemi në normalitet. Ndalimi i kampionatit ka ndikuar dhe disi negativisht të paktën tek kampionati i të rinjve pasi jemi në vendin e parë me 10 pikë diferencë nga vendi i dytë. Për të kujtuar që ne luajtëm ndeshjen e fundit kundër Apolonisë të enjten e kaluar
. -Jeni I kënaqur me ecurinë e ekipit dhe tuajën personalisht?
Siç e kemi parë të gjithë ecuria mund të themi është pozitive sepse jemi po aty për të arritur objektivat. Sigurisht kemi bërë hapa fals, por për fatin tonë të mirë dhe rivalet kanë bërë hapa fals. Mos të harrojmë që janë 30 pikë në lojë dhe kam shumë besim që objektivi do realizohet. Për sa i përket objektivave personal kërkoj gjithmonë më shumë nga vetja, por pres më tepër mundësi aktivizimi duke dhënë më të mirën e mundshme për veten dhe duke ndihmuar ekipin për arritjen e objektivave.
-Një mesazh për tifozët e Teutës por jo vetëm.
Te jemi optimist sepse do dalim nga kjo situat e veshtire,do i rikthehemi normalitetit dhe tifozave do ja rikthejmë emocionet më të forta se kurrë.
Lexo gjithashtu
