Jemi në prag të javës së 7-të të Kategorisë Superiore. 5 ndeshjet e kësaj jave do të luhen të ndara në tre ditë.
Të dielën e 1 tetorit, java e 7-të ngre siparin me sfidën Egnatia - Teuta në orën 14:00 në Rrogozhinë, me vendasit që do të kërkojnë fitoren për të ruajtur kreun, ndërsa durrsakët kërkojnë kthesën me Edi Martinin.
Po në të njejtën ditë, Partizani do të luajë në transfertën e vështirë të Korçës në orën 16:00. Skënderbeu do të kërkojë të paktën një pikë, me kampionët e Shqipërisë favoritë në letër që luajnë vetëm për fitore.
Një ditë më vonë do të luhen dy ndeshje të tjera të kësaj jave futbollistike. Kukësi do të presë në shtëpi Erzenin në orën 14:00. Katër orë më vonë do të startojë një ndeshje mjaft interesante në orën 18:00. Dinamo City - Vllaznia, ndeshja më interesante e javës, e cila do të zhvillohet në "Elbasan Arena". Me Dinamon që kërkon të vazhdojë ecurinë pozitive pas fitores në Laç, teksa Vllaznia kërkon rikthimin tek pikët pas humbjes me Egnatian.
Kjo javë do të mbyllet me ndeshjen Tirana - Laçi, e cila ishte parashikuar do të luhej të hënën, por është shtyrë me 24 orë. Sfida do të startojë në "Selman Stërmasi" në orën 14:00.
Lexo gjithashtu
