Laçi ia doli të fitojë 2-4 ndaj Teutës në Rrogozhinë, në takimin e javës së 17-të të kampionatit. Golat për durrsakët u realizuan nga Aleksi dhe Hebaj, ndërsa laçjanët shënuan me Deliun dhe Guindo, që të dy me dopietë. Pas takimit për mikrofonat e Gol Pas Goli folën trajnerët e të dy skuadrave, të cilët dhanë mendimin e tyre për atë çka ekipet dhanë në fushë. Teknikui kurbinasve, Mirel Josa u shpreh:
“Në një ndeshje nuk mund të shkojë gjithçka siç e kërkojmë ne. Ne donim që të kishim një zbritje topi graduale. Ata kishin një strategji që donin të na kapnin në presing. Ata donin të na kapnin në befasi. Ekipi reagoi. Ne shënuam në një moment vendimtar. Nëse do mbaronte pjesa e parë në avantazh për ata, presioni do ishte më i madh. Pjesën e dytë e rritëm shumë nivelin e lojës. Ne ishim shumë solid, pasi ekipi i Teutës u shpërnda shumë.
Ne kemi respekt për kundërshtarët. Qoftë goli i 3-2 dhe te rasti i shtyllës, na rrezikuan nga goditje standarde. Kështu që, ne nuk kemi pse shkojmë dhe bëjmë faull.
Unë nuk dua të them që u fut ky dhe nuk bëri mirë. Nuk dua të kap këto probleme. Ka disa lojtarë që pretendojnë të jenë në fushë dhe i hedh në fushë në bazë të rezultatit. Të dy krahët tanë duhet të kishin një vijë më të madhe. Menduam shumë për ndeshjen tjetër.
Golat më shijojnë të gjithë njësoj, por janë momentet ato që ndikojnë. Lushkja dhe e ardhmja? Regi po bën detyrën mirë. Uroj që djali sa më shpejt të stabilizohet. Ai është i përqëndruar. Dëshira e tij dhe e imja është që të shkojë jashtë.Do mundohemi të gjejmë një tjetër” – tha ai.
Lexo gjithashtu
