Vllaznia do të sfidojë Teutën në transfertë ditën e sotme në orën 16:00 në Niko Dovana për javën e 24-t të Kategorisë Superiore. Shkodranët duan të kthehen te fitorja teksa në dy ndeshjet e fundit kanë marrë vetëm një pikë por përballë gjejnë një Teutë në formën më të mirë të kampionatit.
Trajneri Josa tha në konferencë se nuk u interson derbi por asdo të mohohet, rezultati në Air Albania ndikon shumë te Vllaznia, ndaj kuqeblutë janë vëzhguesi special teksa do të presin se cila skuadër do të lërë pikë me barazimin që do të ishte ideal.
Mungesa e golit të Bekim Balajt dhe dygolëshi i Nunes në Kupë ndaj Partizanit ka vënë në hall teknikun tiranas se kujt duhet t’i besojë sot majën e sulmit. Balotazhe të tjera ka plot me Latifin dhe Hoxhajn në të majtë të sulmit apo Boshnjaku dhe Marku në mesfushë. Mungesa e vetme është mbrojtësi Juric që akoma nuk është i gatshëm për të qenë titullar.
Formacioni i mundshëm:
Vllaznia (4-3-3): Zogovic; Smajli, Gurishta, Bulatovic, Hakaj; Jonuzi, Alivoda, Marku (Boshnjaku); Mala, Nunes (Balaj), Latifi (Hoxhaj).
Trajner: Mirel Josa
Lexo gjithashtu
