Mevlan Adili është përfolur si lojtari që do të zëvendësojë Eneo Bitrin e larguar nga të kuqtë. Për futbollistin në fjalë ka pasur interes edhe nga Vllaznia, por aktualisht nuk ka asgjë konkrete. Kësisoj kryeqytetasit janë futur në garë për shërbimet e tij.
Largimi i Bitrit ka qenë i papritur për Partizanin që tashmë është në kërkim emergjent për zëvendësuesin e tij. Siç raportohet nga shtypi i shkruar, veç Adilit, të kuqtë janë në negociata edhe me një lojtar belg, emri i të cilit nuk bëhet i ditur.
Ai është pjesë e Jupiler League në Belgjikë dhe nuk përjashtohet mundësia që në këtë merkato dimri t’i bashkohet të kuqve. Por, drejtuesit e Partizanit po veprojnë me qetësi të plotë duke qenë se kjo periudhë “hyrje-daljesh” ka evidentuar në të shumtën e rasteve gabimet e tyre.
Lexo gjithashtu
