Florent Hasani ka mbyllur vitin me Tiranën. Sulmuesi i bardhebluve nuk do të jetë në gjendje të luajë për Tiranën në javët e mbetura të këtij viti për shkak dëmtimi. Dardani ka këputur disa fije të ligamentit të gjurit dhe nuk do të rrezikohet nga stafi i kryeqytetasve.
Rikthimi i tij në fushën e lojës pritet të jetë në janar, por me një mundësi shumë të madhe që të jetë me një fanellë tjetër. Hasani mund të quhet i larguar nga Tirana e cila ka shumë oferta nga skuadra të huaja.
Ndeshje me Laçin, në të cilën shënoi edhe gol, mund të jetë e fundit për kryegolashënuesin e Superiores me fanellën bardheblu. Hasani shkëlqeu për 1 vit e gjysmë te Tirana duke shënuar plot 29 gola e 11 asiste, ndërsa ka fituar 1 titull kampion dhe 1 Superkupë.
Poll
Lexo gjithashtu
