
Conference League do të luajë ditën e sotme ndeshjet e vlefshme për raundin e 5-të të fazës së grupeve. Në fushë nuk do të zbresë vetëm Ballkani i Ilir Dajës që do të luajë në “Air Albania”, por edhe Legia e Ernest Muçit.
Legia e Varshavës do të luajë në transfertën e vështirë angleze përballë Aston Villas. Në sfidën e parë mes këtyre dy ekipeve, sulmuesi i Kombëtares arriti të shëntonte dy gola duke ndihmuar ekipin e tij të fitojë. Edhe në Angli, Muçi kërkon që të lërë shenjë duke shpresuar që të gjejë rrugën e rrjetës.
Në krahun tjetër, Astana do të presë në shtëpi Dinamon e Zagrebit. Këto dy ekipe janë në të njejtin grup me Ballkanin. Breidablik do të ndeshjet me Maccabi Tel Aviv ndërsa Alkmaar me Zrinjski. Besiktas pret në shtëpi Club Brugge.
Ndeshjet e tjera janë, Bodo Glimt – Lugano, Gent – Zorya, HJK – Aberdeen, Klaksvik – Slovan Bratislava, Ljubljana – Lille, Cukaricki- Ferenvaros, Eintracht Frankfurt – PAOK, Fiorentina – Genk, Nordsjaelland – Fenerbahce dhe Trnava Ludogorets.