Dinamo siguroi ngjitjen në Superiore dhe pun aka nisur për ndërtimin e skuadrës. Blutë kërkojnë t’i bëjnë mirë llogaritë dhe të mos përsërisin gabimet e të kaluarës.
“Nëndetësja” synon që këtë herë pjesmarrja në elitë të mos jetë një vjeçare por të zgjasë dhe në këtë mënyrë për të bërë realitet diçka të tillë duhet afrime cilësore dhe staf i kompletuar. Pikërisht në këtë pikë, kryeqytetasit kërkojnë një drejtor sportiv.
Në tavolinën e drejtuese janë disa emra, por nuk ka asgjë konkrete, pasi kërkohet të punohet në qetësi për të vendosur se kujt duhet t’i besojnë “çelësat” e skuadrës. Një pistë kjo që drejtuesit i kanë dhënë një rëndësi të madhe, pasi kërkojnë që skuadra të jetë e kompletuar dhe të mos i lihet asgjë rastësisë.
Poll
Lexo gjithashtu
