Mesfushori i Vllaznisë, Herald Marku ka folur në konferencën për shtyp në prag të sfidës kundër Partizanit. Marku dikur ka qenë pjesë e të kuqve por këtë takim e pret me emocione pasi atje ka akoma disa shokë skuadre. Marku u shpreh i qetë para ndeshjes dhe i sigutrtë për fitoren. 26-vjeçari siguroi se në grup mbizotëron një atmosferë e mirë dhe janë të motivuar për të dhënë maksimumin e munshëm për të arritur fitoren.
"Keni qenë pjesë e Partizanit. Emocione?
Është një ndeshje shumë e rëndësishme për të dyja skuadrat pasi jemi në diferencë prej 4 pikësh. Dëshirojmë të shkojmë sa më lart dhe të futemi në fushë dhe të japim më të mirën. Kam qenë pjesë e Partizanit edhe është një emocion pak më ndryshe, pasi disa lojtarë aty i kam edhe miq. Por vetëm jashtë fushe, në fushë mendoj vetëm për ekipin sigurisht do jap maksimumin për ekipin tim.
Herald çfarë po ndodh me skuadrën, tre ndeshje pa fitore?
Jo të gjitha ndeshjet shkojnë sipas objektivit tonë pasi ne futemi për t’i fituar të gjitha. Këto janë objektivat tona. Mendoj që çdo gjë shkon mirë ka një lloja atmosfere. Pavarësisht se çfarë ndodhi në Durrës me barazimin që morëm jemi të kënaqur, vazhdojmë punën për të ecur përpara.
Është skuadra gati në kontigjent, në moral?
Është gati janë rikthyer edhe një pjesë e lojtarëve që kanë qenë të dëmtuar edhe optmizmi është i lartë, atnosfera është e mirë, Jemi gati.
Ka emra, por a mungon fryma e grupit?
Nuk mungon fryma e grupit. Edhe atë periudhë kur kemi pasur trajnerin Brdaric kemi pasur frymë të mirë, edhe tani me presor Josën kemi një grup goxha të mirë. Kam një marrëdhënie të mirë me të gjithë djemtë po ashtu edhe djemtë me njëri-tjetrin, më bën që të vij në stërvitje i kënaqur edhe ta kalojmë mirë.
Ka konkurrencë në mesfushë meqë është rikthyer edhe Boshnjaku?
Po sigurisht, ka konkurrencë në çdo repart. Përderisa lojtarët janë të gatshëm ka konkurrencë por është konkurrencë pozitive pasi e bën të gjithë ekipin ta japë maksimumin.
Partizan tjetër nesër, ndjeni presion?
E dijmë që do jetë një ndeshje krejt tjetër nga ajo e kupës, pasi në kupë ka dhe rotacione në formacion. Jemi gati për çfarëdolloj skeme apo formacion të Partizanit. Kemi përgatitur ato çfarë na ka thënë trajneri dhe jemi të qetë para ndeshjes.
I bindur për fitore?
Jam i bindur dhe ju them do jap maksimumin unë dhe pjesa e ekipit kush do të jetë në fushë për të arritur fitoren.
Gol nesër?
Do kisha dëshirë të shënoja dhë të ndihmoj ekipin në arritjen e rezultatit, duke qenë këtë periudhë te Vllaznia ka shkuar shumë mirë me golin pse jo dhe nesër.
Tifozët?
Ata janë mbështetje e jona ata kanë qenë gjithmonë edhe nesër do jenë aty për të na mbështetur."
Lexo gjithashtu
