Abissnet Superiore ka hyrë në fazën më të “nxehtë”, ku skuadrat tashmë luftojnë “dhëmb për dhëmb” me njëra-tjetrën për të siguruar 3 pikët që ndihmojnë në arritjen e objektivave. Java e 29-të e kampionatit do të luhet në fundjavë, të shtunë dhe të diel.
Sfida që do të ngrejë siparin e kësaj jave është dueli mes Bylis-Teuta, takim që do të startojë në orën 15:00 në “Adush Muça” ditën e shtunë. Një duel direkt për mbijetesën në Superiore. Durrsakët ndodhen ën vendin e 8-të me 34 pikë, ndërsa ballshiotët kanë 5 pikë më pak. Edi Martini dhe Naxhi Shensoi kërkojnë rikthimin te fitorja në kampionat.
Po të shtunën do të luhet edhe dueli mes Erzenit dhe Kastriotit. Në orën 18:00 skuadrat zbresin në “Niko Dovana”. Shijakasit kërkojnë të reagojnë në shtëpi, pasi nuk e njohin prej 3 javësh fitoren, ndërsa krutanët pas situatave me arbitrat synojnë t’u mbyllin “gojën” kritikëve.
Të dielën do të zhvillohen 3 takimet e tjera. Në orën 15:00 do të luhet Laçi-Partizani. Kurbinasit pas fitores ndaj Teutës kërkojnë një tjetër 3 pikësh ndaj demave. Ndërkohë të kuqtë pas ndalesës me Egnatian dhe largimit me 2 pikë nga vendi i parë nuk duan më hapa fals në garën për titullin kampion.
Takimi tjetër që luhet në këtë orar është edhe ndeshja mes Kukësit dhe Vllaznisë. Në “Kukës Arena” djemtë e Rraman Hallaçit synojnë fitoren për të mos rrezikuar më shumë në objektivin mbijetesë, ndërsa shkodranët me Goce Sedlovski duan vazhdimësinë dhe zonën Europiane.
Takimi i fundit do të startojë në orën 18:00. Tirana do të presë në “Elbasan Arena” ekipin e Egnatias. Një takim mjaft interesant dhe pritet të jetë i luftuar pasi rrogozhinasit kanë një “kockë e fortë” që ka ndalur çdo kundërshtarë këtë sezon.
[caption id="attachment_688557" align="alignnone" width="554"]
Ndeshjet e javes se 29-te[/caption]
Lexo gjithashtu
