Komentatori i njohur Dritan Shakohoxha me komentin e tij në ndeshjen Shkëndija - Mllada Boleslav, ku e quajti stadiumin "Filipi II" të Shkupit si "Arena Adem Jashari", ka nxitur një reagim të ashpër nga maqedonasit.
Gazetari i televizionit ultra-nacionalist Igor Trpeski ka kërkuar që gazetari Dritan Shakohoxha të shpallet person "non grata” në Maqedoni. Igor Trpeski përmes një postimi në Facebook ka shkruar:
"Shkruaj shkurt dhe dua të jem i qartë. Nga sot unë nuk do të publikoj lajme për KF Shkëndija nëse shefi apo presidenti i Shkëndijës nuk distancohet nga komentatori që arenën “Filipi II” e quajti “Adem Jashari”. Ju bëj thirrje edhe kolegëve të mi gazetarë që të bëjnë të njëjtën gjë. Gjithashtu bëj thirrje edhe tek Federata e Futbollit të Maqedonisë që të ndalojë transmetimin e platformës SuperSport në Maqedoni për lojën Shqipëri-Maqedoni në kuadër të kualifikimeve për Kampionatin Botëror. Ndërmarrjes për menaxhim me stadiumin i bëj thirrje që të mos lejojë Shkëndijën të luajë në këtë stadium. Boll me nacionalizëm në terrenet sportive”, shkruan Trpeski që është acaruar keq nga komenti i Shakos.
Tani ngelet për t'u parë nëse autoritetet e vendin fqinj do të ndërmarrin masat e kërkuara nga Trpeski.
Lexo gjithashtu
