Dje, në takimin që Skënderbeu luajti nda Tutës, në çerekfinalen e Kupës e cila u mbyll 3-0 në favor të korçarëve, është dëmtuar rëndë Barjam Jashanica. Mbrojtësi kosovar ëshë detyruar të lërë fushën në minutën e 85' për shkak të një dëmtimi që ka pësuar në gju pas një dueli në mesfushë.
Kosovari është transportuar direkt drejt spitalit të Korçës ku i është thënë se bëhet fjalë për një shembje të kupës së gjurit. Pas tri ditësh pritet të kryhet një rezonancë e cila do përcaktojë përfundimisht shakllën e dëmtimit.
Sipas asaj që kanë komunikuar mjekët në spitalin e Korçës, Jashanica mund të mungojë minimumi katër javë, gjithsesi do të duhet të zhvillohet rezonanca për të pasur një vendim të saktë se sa kohë do qëndrojë jashtë fushën mbrojtësi kosovar.
Lexo gjithashtu
