Pas intervistës për "Panorama Sport" të legjendës së Skënderbeut në vitet '60-'70 Jani Kaçi ku ngrinte gishtin ndaj drejtuesve të klubeve të futbollit shqiptar dhe kampionëve të Shqipërisë, ka ardhur sot dhe reagimi i ish-kryebashkiakut të Vlorës Shpëtim Gjika.
Me anë të një postimi në llogarinë e tij personale në "Facebook" Gjika i është bashkuar zërit të trajnerit të të rinjve të Skënderbeut Kaçi ku nuk e ka fshehur zhgënjmin me situatën në futbollin tonë. Gjika ka vlerësuar kredibilitetin dhe besueshmërinë e 65-vjeçarit.
"Jani Kaçi sot ka vënë dorën në plagët e futbollit shqiptar, jo vetem atij korçar! Për fat të keq, këto janë të vërtetat e hidhura! Një legjendë si Jani Kaçi nuk mund të mbylli sytë dhe të lejojë "të haj gol"! Nuk e ka bërë as kur luante dhe as sot! Unë besoj se ka shumë si Jani Kaçi në Shqipëri, edhe në Vlorë madje! Ashtu si edhe besoj që ka në Shqipëri,madje dhe në Vlorë, karaktere të pështira, tamam siç aq realisht i ka përshkruar Jani Kaçi në paragrafin e fundit të shkrimit të tij ne gazetën e sotme 'Panorama Sport'!"
Dënimi i Skënderbeut për mospjesëmarrje në kupat e Europës për 10 vite ka hapur një kapitull të ri në debatin e futbollit shqipar. Para dy ditësh, ish-portieri i Skënderbeut për 12 vite Jani Kaçi ka shprehur revoltën dhe pakënaqësinë ndaj menaxhimit skandaloz të futbollit, dhe veçanërisht ndaj kampionëve në fuqi duke i quajtur të vërteta akuzat për fiksime rezultatesh. Akuzat e tij rëndoheshin edhe më tepër ndaj presidentëve të klubeve të futbollit shqiptar, të cilët i bënte përgjegjës për gjendjen në të cilën ka degraduar niveli i menaxhimit dhe lojës. Ai nuk kurseu as ekipin e tij të zemrës Skënderbeun ku e quajti investimin e bërë gjatë këtyre viteve pa moral.
Lexo gjithashtu
