Kukësi mori një fitore surprizë ndaj Tiranës në shtëpi duke i “rrëmbyer” tre pikë të arta. Golin e dytë dhe atë që e bëri më të lehtë fitoren, e shënoi mbrojtësi Bytyçi, i cili pas ndeshjes foli për mikrofonat e Oversport.
“Kemi mbështetjen maksimale nga trajneri Hallaçi, por edhe tek njëri-tjetri dhe prandaj bëmë maksimumin. Punojmë jashtëzakonisht shumë në goditje standarte dhe ato na sollën fitoren me dy gola. Zakonisht unë luaj me 4, që do të thotë me 2 qendërmbrojtës dhe 2 në krah, edhe me këtë skemë është mirë.
Fakti që isha në formacionin e javës më ndihmoi që të vazhdoj përpara me motivin më të madh që kam, që të tjerët të më udhëheqin mua dhe unë ata. Unë jam prodhim i akademisë së Kukësit, por të gjithë tifozët që më mbështesin dhe vijnë nga vende të tjera unë i falenderoj shumë.”- u shpreh Bytyçi.
Lexo gjithashtu
