Isli Hidi, veterani i katërkëndëshit në Shqipëri dhe aktualisht portieri i Bylis në Superligë, ka përgënjeshtruar lajmin e Panorama Sport se ai kishte hatërmbetje me ballshiotët, si pasojë e pagesave të prapambetra dhe mospjesëmarrjen në stërvitje.
Numri një i portës shprehet se nuk është kontaktuar dhe se ndaj tij po thuhen të pavërteta. Hidi vijon më tej për faqen zyrtare të Bylis, se ai vijon stërvitjen individuale në shtëpi dhe se për arsye familjare do t’i bashkohet klubit ditëne hënë.
