[caption id="attachment_17635" align="alignleft" width="300"]
Paula me babain e saj, Ferdinandin[/caption]
Paula Jaku është një ndër futbollistet më simpatike në Shqipëri. Bukuroshja luan si mesfushore dhe është pjesë e kombëtares U-19. Përveç talentit, vajza nga Shkodra është një vajzë e bukur, ku hiret e saj nuk mund të fshihen. Ajo është e dashuruar me futbollin, ndaj është pjesë e këtij sporti. Jaku është pjesë e skuadrës së babait të saj, Juban Danja në Shkodër. Gjithashtu ajo ka pasur në skuadër edhe motrën e saj Emanuelën. Futbolli e ka ndihmuar Paulën që të mbajë trupin në një formë për t'u admiruar, ku nuk mund të ngelte pa u vënë re edhe nga njerëzit e modës. Në këtë mënyrë bukuroshja merret edhe me botën e modës, teksa pozon për një kompani të kësaj fushe. Por vajza shkodrane është shumë më e apasionuar pas futbollit, ku në një prononcim për newsport.al ka rrëfyer, si lindi dëshira e saj për futbolliste, kush ishte iniciatori që e mbështeti dhe çfarë mendon ajo për të ardhmen.
- Si e ka nisur Paula Jaku futbollin?
Fillimet ishin në shkollë pasi luaja shumë futboll me djemtë. Më pas babai im krijoj ekipin e parë ku unë isha vetëm 10 vjeçe dhe fillova të aktivizohesha me vajzat e moshave të mëdhaja. Më pas 12 vjeçe ka qenë ndeshja e parë zyrtare, e cila ishte e organizuar edhe nga FSHF-ja.
- Kush ju ka frymëzuar?
Frymëzimi ka qenë babi im, i cili nuk u ndal në asnjë momente të na përkrahte si mua dhe motrën time Emanuelën.
- Babai juaj është themelues i futbollit të femrave në Shqipëri, si ndjehet Paula?
Ndihem shumë krenare, pasi te jesh i pari në Shqipëri për futbollin e femrave nuk është gjë e vogël dhe të mendosh që nga një ekip i vogël që krijoi babai im, sot ne kemi dhe kombëtaren e Shqipërisë për femra.
- Luani me Kombëtaren, ke rastisur të jesh në fushë me motrën më të madhe?
(Qesh) Po, më ka ndodhur në një përballje mes kombëtareve A dhe U-19, ishte eksperiencë e bukur.
- Dimë që keni pasion modelingun, çfarë ka të përbashkët me futbollin?
Modelingu me futbollin nuk kanë shumë lidhje me njëra-tjetrën, por gjithsesi mendoj që mbajtja e trupit në formë, që futbolli ta jep këtë mundësi, dhe modelingut i duhet.
- Lojtari jot i preferuar kush është?
Patjetër që më i miri në botë, Ronaldo! Përveç se është i bukur, (qesh) s'ka lidhje me pozicionin tim në fushë është, është lojtar shumë punëtor dhe mbi të gjitha një person shumë human.
- Në shkollë për çfarë studion?
Unë studioj për edukimin fizik, ku e kam paralel me futbollin.
[caption id="attachment_17638" align="alignleft" width="240"]
Paula modele[/caption]
- Çfarë do bëhesh në të ardhmen, trajnere apo menaxhere?
Mendoj që trajnere, pasi aktualisht unë po stërvis disa vajza të moshave të vogla dhe mendoj se mund ta bëj më mirë trajneren.
- Ku mendon se do të arrish në të ardhmen?
E ardhmja? Pse jo trajnere e kombëtares së femrave , i duhet një femër në staf.
- Cilat janë sekretet e tua që ke arritur deri këtu?
Këmbëngulja për të arritur atë që dua dhe stërvitja patjetër.
- Në të ardhmen preferon të lidhesh me një mashkull të botës së sportit apo të modës?
(Qesh) I sportit jo, pasi nuk do mund të takoheshim kurrë bashkë. Ai në ekipin e tij, kushedi se ku, dhe un në ekipin tim kushedi se në çfarë vendi. Gjithsesi nuk kam preferenca, mjafton të më respektojë dhe të më dojë.
Lexo gjithashtu
