Shkëlzen Gashi, nëpërmjet një postimi në “Facebook” ka falënderuar të gjithë tifozët e Kombëtares për mbështetjen që i kanë dhënë gjatë gjithë këtyre ditëve.
“Të dashur Tifozë! Mbështetja juaj është e pabesueshme!Komentet dhe postimet tuaja më nderojnë dhe më nxisin për ndeshjen e radhës të mërkurën me Francën, për të dhënë gjithçka për ju! Këtë ju premtoj unë ju”, shkruan sulmuesi.
Gashi u bë protagonist në ndeshjen me Zvicrën pas atij rasti flagrant që humbi i vetëm me portierin helvet, që do t’i kishte dhënë Shqipërisë një pikë të vyer.
