Aventura e Vangjel Zguros te Bylisi nuk zgjati më shumë se 6 muaj. Ish-lojtari i Skënderbut dhe ballshiotët vendosën të ndajnë rrugët mes tyre, pasi skuadra mallakastriote nuk ia doli të mbijetonte në Superiore.
Mbrojtësi pogradec ka bërë një postim në rrjetet sociale, i cili duket shumë i “mllefosur”. 30-vjeçari thekson se ishte shumë afër marrëveshjes me një ekip kampion, por shprehet se është krenar pasi çdo gjë e ka arritur me forcat e tij.
“Kam qenë afër arritjes së marrëveshjes më një ekip kampion në Shqipëri. Fatkeqësisht gjërat nuk shkuan ashtu siç u menduan dhe më erdhi keq për këtë gjë. Gjithësesi kokën larg dhe gjithmonë krenar për çdo gjë kam arritur, sepse e kam arritur me forcat e mia e pa ndihmën e askujt”, ka shkruar Zguro.
Një postim që “ngre” dyshime, teksa nuk dihet se cilat janë arsyet dhe shkaqet që kanë shryrë lojtarin të reagojë. Gjithashtu nuk dihet se për kë skuadër e ka fjalën. Gjithsesi mbetet të presim ditët në vazhdim për të mësuar diçka më tepër rreth këtij postimi.
[caption id="attachment_697203" align="alignnone" width="509"]
Postimi i Vangjel Zguros[/caption]
Lexo gjithashtu
