Spanja është eleminuar ditën e sotme nga Botërori "Rusi 2018" pas humbjes që regjistruan ndaj Rusisë. U desh që të dyja skuadrat t'i drejtoheshin pikës së penalltisë për të vulosur për fituesin, që në fund doli se ishte Rusia.
Lidhur me eleminimin e Kombëtares spanjolle ka reaguar nëpërmjet një postimi në llogarinë e tij në Facebook, ish-presidenti i klubit të Flamurtarit, Shpëtim Gjika. Ndër të tjera, Gjika specifikon se ky Botëror pritet të ketë të tjera surpriza, duke hedhur dyshime se Brazili do të jetë Kombëtarja e radhës që mund t'i thotë lamtumirë këtij kompeticioni të rëndësishëm.
Reagimi i plotë i Shpëtim Gjikës:
"Një nga verdiktet më të drejta të ketij Kampionati Botëror, ishte eleminimi i Spanjës!
Nuk e kuptova cfarë kërkonin spanjollët me atë lojë?!
Të shkonin te penalltitë, kundër Rusisë, e cila e dëshironte vetë këtë skenar?!
Harruan spanjollët që janë mesdhetarë, dhe si temperament intimidohen shpejt!
Harruan spanjollët, që këtë vit, kanë një portier, i cili nga 7 goditje në portë, ka pësuar 6 gola!
Harruan spanjollët, që trajneri rus ka qenë portier dhe sigurisht që do ti përgatiste me detaje ekzekutimin dhe pritjen e tyre!
Prandaj them që ishte verdikt i drejtë kalimi për më tej i Rusisë, pasi spanjollët i shpenzuan kot 120 minuta, dhe shkuan plot vetëdije drejt një dështimi të paralajmëruar, tek penalltitë!
Iku Spanja!
Gati, kush e ka radhën nga "të mëdhajat"për tu eleminuar!
Thash gjë Brazili unë!", shkruan Gjika në llogarinë e tij në Facebook.
Lexo gjithashtu
