Bledar Kola emërohet zv.trajner i Panathinaikos. Ish-mesfushori i Kombëtares së Shqipërisë do të jetë ndihmësi i trajnerit Marinos Ouzounidis, i cili zëvendësoi në këtë detyrë italianin Stramaçioni.
Bledar Kola është aktivizuar në të kaluarën me skuadrën e Panathinaikos, ndërsa ai mbahet mend nga tifozët shqiptarë për golin e shënuar ndaj Gjermanisë në Eliminatoret e Kampionatit Botëror në vitin 2001.
Në portë për Gjermaninë ishte Oliver Kahn, i cili në kulmin e karrierës së tij u surprizua nga gjuajtja e Kolës nga distanca. Ndeshja përfundoi 2-1 për "panzerat", me golin e shënuar nga Miroslav Klose në minutën e fundit të kohës së rregullt, ndërsa në fillim kishte shënuar Sebastian Daisler.
[caption id="attachment_65323" align="alignnone" width="300"]
Karsten Ramelou, mbrojtesi i Gjermanise, ne dyluftim me Bledar Kolen, ne sfiden e luajtur ne stadiumin e Leverkusen, 24 Mars 2001.[/caption]
Lexo gjithashtu
