Klubet e Kategorisë Superiore nëpërmjet Ligës Profesioniste I kanë bërë kërkesë kryeministrit Rama për ti ndihmuar ekonomikisht pas krizës së krijuar nga Coronavirus. Një gjë e tillë duket e pamundur për t’u arritur duke parë se qeveria në këto ditë po mendon për shtresat në nevojë.
Në letrën e dërguar, kryetari I Ligës Profesioniste, Edvin Libohova arsyeton se presidentët e klubeve po hasin vështirësi tek shoqëritë dhe bizneset që kanë aksione dhe tashmë janë mbyllur për shkak të Coronavirus.
Por duke parë buxhetet e klubeve që variojnë nga 500 000 deri në 1 milion euro në sezon, duket e pamundur që shteti ti mbuloj shpenzimet. Ish administrator I Tiranës, Salih Tagani për ABC Neës ka thënë se shteti nuk ka detyrim ligjor për të ndihmuar klubet, sidomos me këto shifra. Ndër të tjera Tagani shton se drejtuesit e klubeve synojnë që të përfitojnë ulje në detyrimet tatimore tek bizneset e tyre private. Ndihma që mund tiu vijë klubeve është nga FIFA dhe UEFA.
Lexo gjithashtu
