Klodian Duro ka postuar në llogarinë e tij në Facebook një lajm, ku Zinedine Zidane do të përfitonte në sezonin e ri plot 5,5 milionë euro nga 2,7 që e kishte vitin e kaluar. Por ajo që bie në sy është dixhitura ku ish-trajneri i Kukësit shkruan: "Sa janë nxituar Fiorentiono Perez dhe Real Madrid?! Vetëm kupën e 11-të fitoi Zinedine Zidane", duke ironizuar në këtë mënyrë presidentin e Kukësit Safet Gjici. Kujtojmë që Duro ishte trajner i Kukësit në gjysmën e dytë të sezonit të kaluar, ku skuadra verilindore bëri një paraqitje të mirë. Duro në krye të Kukësit arriti të fitonte Kupën e Shqipërisë. Dhe është pikërisht ky krahasimi që ish trajneri kuksian bën me Zinedine Zidane, pasi largimi i tij nga verilindorët erdhi si shkak i kërkesës për rritje rroge, gjë që nuk u pranua nga presidenti Gjici.
[gallery columns="1" size="full" ids="23691"]Lexo gjithashtu
