Interi mori një fitore të rëndësishme minimale ndaj Veronas mbrëmjen e djeshme. Një 3 pikësh që tashmë i pozicionon zikaltrit 10 pikë poshte Napolit.
Pas fitores me golin e Lautaro Martinez, Simone Inzaghi foli për “DAZN” ku theksoi se është i kënaqur me lojën e të tijve, ndërsa nënvizoi se për duelin e Superkupës do të ketë mungesa.
Ndeshja? “Ne erdhëm nga 120 minutat e Kupës së Italisë, por ia dolëm të shënonim menjëherë. Ishim pak nervozë pasi kërkonim edhe golin e dytë, por përsëri ne qëndruam kompakt ndaj një Veronë që e dinim se do na vendoste në vështirësi”.
Paraqitja e lojtarëve? “Më shqetësonte më shumë gjendja e lojtarëve pasi vinim nga 120-minutëshe dhe i kisha në dyshim Calhanoglu dhe Barella deri dje, por ata ishin të gatshëm, ndërsa më pas vendosa të aktivizoj dhe Asllanin që bëri një ndeshje të shkëlqyer, njëjtë si Mkhitaryan dhe Gagliardini që bënë paraqitje të mira”.
Në luftën për Scudetto? "Ne kemi fituar tetë nga dhjetë ndeshjet e fundit, duke barazuar në Monza dhe duke humbur kundër Juventusit. Në dy muajt e fundit kemi pasur vazhdimësi. Napoli është larg tani, Nuk duhet të shikojmë tabelën, por të luajmë ndeshje pas ndeshje duke shpresuar të kemi sa më shumë lojtarë në dispozicion dhe pa dëmtime”.
Superkupa? “Handanoviç dhe Brozovic nuk do mund të rikuperohen, të shohim për Lukakun nëse do ia dalë apo jo. Të shohim në ditët në vijim”.
Lexo gjithashtu
