I afruar në merkaton e verës nga skuadra e Bylisit, talenti Niko Zisi ka arritur të bëjë disa paraqitje pozitive me skuadrën e Kamzës. I ardhur si një premtim për të ardhmen, mesfushori kërkon të lërë gjurmë me ekipin e tij dhe ëndërron që një ditë të arrijë Kombëtaren e madhe ashtu siç ëndërron çdo lojtar shqiptar. Në një intervistë për Newsport.al Zizi rrëfen ecurinë e Kamzës, merkaton, objektivat e klubit dhe objektivat e tij në aspektin personal.
– Kamza renditet në vendin e parafundit në klasifikim. Si e vlerësoni ecurinë e skuadrës?
Skuadra ka pasur disa momente jo të mira, por në ndeshjet e fundit janë rregulluar disi me rezultatet pozitive dhe besoj që do të shkojnë akomë më mirë në vazhdimsi.
– Sa e vështirë është për lojtarët të punojnë me tre trajnerë?
Të them të drejtën është goxha e vështirë. Secili ka lojën e vet taktikën e vet dhe mendimin e vet përsa i përket lojës. Por, ne duhet që mendimet taktike të trajnerit t’i zbatojmë dhe në fushën e lojës për të marrë rezultate pozitive.
– Cili është objektivi i Kamzës këtë sezon?
Objektivi jonë aktualisht është qëndrimi në Kategorinë Superiore, pasi duam të jemi pjesë e elitës së futbollit shqiptar edhe sezonin tjetër.
– Me largimet që përflitet ditët e fundit si Frashëri dhe Idrizaj sa e vështirë do të jetë mbijetesa për Kamzën?
Unë besojë se presidenca do të arrijë t’i zëvendësojë në mënyrën më të mirë duke afruar lojtarë cilësor dhe besojë që në fund do të jemi të gjithë të buzëqeshurë ashtu siç e nisëm këtë sezon.
– I trembeni konkurencës në merkato?
Jo nuk trembem aspak. Konkurenca do të më shërbejë më shumë pasi do të jap më akoma më shumë për të luajtur në fushën e lojës. Kushdo që do të vijë është i mirëseardhur dhe unë do ta ndihmoja ashtu siç do të doja dhe unë të më ndihmonin, pavarësisht pozicioni i lojtarit që afrohet.
– Cili është objektivi juaj në aspektin personal?
Objektivi im personal është të ndihmojë skuadrën që të arrijë objektivat e vendosura dhe pastaj të mundohem të luajë në një kampionat akoma më të fortë jashtë Shqipërisë.
– Po Kombëtarja është një objektiv për ju?
Besojë që s’ka asnjë futbollist shqiptar që nuk ëndërron të luajë për Kombëtaren. Dhe unë ëndërrojë që një ditë të vesh fanellën kuqezi.
– Mendoni se një ditë mund të jeni pjesë e Kombëtares?
Mendojë se po. Me shumë stërvitje dhe përkushtim çdo gjë mund të arrihet./ Renaldo Gremi/.
Loading ...
